A SEMANA FANTÁSTICA UNIVERSAL(do 04-06-11 ao 11-06-11)

Romper o muro de silencio ao redor do caso dos loitadores antiterroristas cubanos Gerardo Hernández, Fernando González, Ramón Labañino, Antonio Guerreiro e René González, prisioneiros desde 1998 en Estados Unidos. Cinco Cubanos na cadea polo"crime"de descubrir plans de levar a cabo actos terroristas contra Cuba, e informarlle ás autoridades dos EEUU desas conspiracións criminais en chan estadounidense.
*GALIZA(LA VOZ:07-06-11)<X.Álvarez Corbacho:Auditorías e contas públicas...Agora don Mariano Rajoy tamén quere auditar ás comunidades autónomas. Coma se non estivesen auditadas xa, todos os anos, polos órganos de control externo...Tamén o presidente Feijoo afirma que a sanidade española ten hoxe unha débeda oculta de 15.000 millóns de euros por gastos realizados e non contabilizados.Pero non explica a situación de Galicia. E por iso interesa recordar que no 2005, sen crise económica, as facturas nos caixóns do Sergas superaban o 10% do orzamento; no 2009 recibiu un sistema sanitario totalmente saneado. Probablemente o presidente intentaba advertirnos de que se agora o Sergas tivese outra vez «facturas no caixón», o seu docto dedo sinalaría con rigor e precisión quen é o malandrín de tan perversa fechoría.>
Avisan para privatizar.
*GALIZA(O XORNAL:08-06-11)<“Indignadas” contra a Real Academia.A designación do historiador Pegerto Saavedra para ocupar a praza deixada vacante polo xeógrafo Francisco Río Barja na Real Academia Galega,provocou a “indignación” entre algunhas asinantes d’O xogo das cadeiras, o manifesto pola entrada das mulleres na institución.Esta iniciativa, que conta a día de hoxe con máis de 600 persoas adheridas –dende cidadáns anónimos até persoeiros do calibre intelectual e humano de Agustín Fernández Paz–, considera que a RAG “reducía á insignificancia” a presenza da muller na institución. Agora, as súas demandas cobran aínda máis forza, pois tras o pasamento de Olga Gallego a presenza feminina redúcese nunha cadeira, pasando de catro a tres.>
M.X.Queizán: “A Real Academia é, en si mesma, machista e patriarcal”.
*GALIZA(EL PAÍS:05-06-11)<A muller de Sito Miñanco promove 38 chalés a pé de praia en Sanxenxo.Jolva, SL, unha promotora inmobiliaria que o narco de Cambados constituíu en agosto de 1988 -tres anos antes de ser detido pola policía- co que entón era o seu estreito colaborador, José Alberto Aguín Magdalena, alias O Rubio de Aios. Este último, condenado nos noventa durante o sumario da Operación Nécora por comerciar con bens obtidos grazas ao tráfico de drogas, é hoxe a cara visible da empresa aínda que, segundo o Rexistro Mercantil, tamén é socia de Jolva desde 1987 a exesposa do seu antigo xefe, Rosa Pouso Navazas, que consta como divorciada. Jolva ultima actualmente o papelorio para levantar unha urbanización de 38 chalés a pé de praia no exclusivo areal de Montalvo, no concello de Sanxenxo, logo dunha longa e accidentada tramitación.A empresa fundada por Sito Miñanco coa súa esposa e o seu lugartenente foi unha das beneficiarias dos cambios que o exalcalde de Sanxenxo, o construtor Telmo Martín (PP), incluíu no plan urbanístico que aprobou para a Marbella galega en 2003, en pleno esplendor do ladrillo.O plan, que foi redactado con Martín de alcalde e coa actual directora xeral de Urbanismo, Encarnación Rivas, como responsable da Xerencia Municipal de Urbanismo, designou 30 áreas de terreo como chans urbanizables (bautizados como SU), unha figura que permite que unha inmobiliaria poida impor a todos os propietarios de leiras a obrigación de levantar unha urbanización se se fai co 51% do terreo. Quen se negase a participar, sería expropiado polo Concello...O camiño, con todo, foi tortuoso, xa que este proxecto foi un dos que o bipartito impugnou cando suspendeu licenzas nos primeiros 500 metros de costa para ordenar o ata entón irracional urbanismo do litoral galego...o Tribunal Superior de Xustiza de Galicia declarou firme a última sentenza en favor da legalidade da urbanización. A empresa Jolva poderá levantar 38 encostados en Montalvo 23 anos despois de que fose creada por Sito Miñanco.>
Os tortuosos ladrillos do PP.
*GALIZA(EL PAÍS:09-06-11)<Contrato a dedo para o irmán dun alto cargo da Xunta.José Manuel Castro, irmán do director xeral de Relacións Institucionais da Xunta, Roberto Castro, percibiu "irregularmente" 31.500 euros da Consellería de Educación, que contratou a dedo á súa empresa para un proxecto tecnolóxico. A deputada autonómica do BNG, Tereixa Paz, denunciou onte que o instituto ourensán 12 de Outubro recibiu fai uns meses de Educación unha partida de 40.000 euros para "gastos extraordinarios". Cando a directora chamou á Xunta para preguntar pola finalidade da partida, o director de Educación, José Manuel Pinal, respondeulle que o instituto fora seleccionado para participar nun plan piloto de innovación."Pinal informoulle de que os 40.000 euros eran para pagar á empresa que acudiría ao centro", precisou onte Paz. O empresario que acudiu resultou ser o irmán do destacado baltarista ourensán Roberto Castro. José Manuel Castro -condenado en 1995 por estafar 33 millóns de pesetas da Tesourería da Seguridade Social cando era funcionario do INSS- é o administrador único da empresa Intellectia Bank, con actividade desde novembro pasado e dedicada ao deseño de I+ D para empresas e ao manexo de información en ESO e bacharelato. Alertado polos profesores, o BNG confirmou que na plataforma de contratos da Xunta non figura ningún con Intellectia Bank. A dirección do centro púxose en contacto novamente con Educación, e a Xunta ofreceu dúas alternativas: "Continuar co proxecto e pagarlle os 70.000 euros a Intellectia Bank ou entregarlle só 50.000 e dar por resolta a experiencia"."O claustro optou por non darlle nin un euro máis do que xa cobrara" e esixe agora a Educación que depure responsabilidades polo que cre "unha fraude".>
O extraordinario sería que o adxudicatario non fora o irmán.
*SPAIN(EL PAÍS:07-06-11)<Francisco Camps asumiu a presidencia da Generalitat valenciana en 2003. En decembro dese ano, a débeda pública rozaba os 8.000 millóns de euros e representaba o 10,5% da riqueza que xera a Comunidade Valenciana, unha proporción que desbordaba a calquera outra comunidade autónoma.A finais de 2010, Camps lograra disparar a débeda da Generalitat ata 17.600 millóns de euros, un 17,2% do PIB rexional. A Comunidade Valenciana é, con diferenza, a máis endebedada de España en termos relativos. O servizo da débeda representa un gasto de 680 millóns de euros no orzamento de 2011>.
"A calzón quitado":Camps: contrato da Fórmula 1 ata 2020:180 millóns.
*SPAIN(EL PAÍS:09-06-11)<Constitución do Parlamento valenciano.Grotesco espectáculo político en Valencia...Dentro do pleno, o novo presidente da Cámara, o exconsejero Juan Cotino, membro do Opus Dei, pediu que se colocase, por primeira vez, un crucifixo na mesa do Parlamento.Os deputados da oposición estrearon escano cunha chapa na solapa en defensa do valenciano, fronte ao decreto de Francisco Camps que elimina as liñas de ensino na lingua autóctona.Nas filas do PP (55 deputados) tomaron posesión das súas actas ata 10 parlamentarios que están implicados ou imputados en graves casos de corrupción, entre eles o xefe do Executivo, Francisco Camps, a piques de sentar no banco dos acusados; o seu vicepresidente Vicente Rambla, inmerso nun proceso por financiamento ilegal do PP, e a alcaldesa de Alacante, Sonia Castedo, cuxas conversacións cun promotor inmobiliario destaparon supostos tratos de favor.Cotino, que foi director xeneral da Policía no Goberno presidido por José María Aznar...novo presidente do Parlamento valenciano está vinculado ao grupo empresarial Sedesa, que dirixe o seu sobriño, implicado no suposto financiamento ilegal do Partido Popular que investiga o Tribunal Superior de Xustiza da Comunidade Valenciana dentro do caso Gürtel.Sobre a presenza da corrupción na Cámara autonómica..o portavoz parlamentario popular, Rafael Blasco dixo que "as difamacións" que sufriu o seu partido "foi derrotadas nas urnas".>
Outros que non necesitan ética.
*SPAIN(PÚBLICO:08-06-11)<Guillermo Ortega Alonso, exalcalde de Majadahonda (Madrid) en representación do PP e un dos primeiros imputados por suborno no caso Gürtel, matriculou en apenas sete anos 19 vehículos ao seu nome, mentres que a súa esposa, a exconcelleira Gema Matamoros, fixo o mesmo con outros sete coches. E unha compañía cuxa propiedade real atribúen os investigadores a Ortega adquiriu sucesivamente dous automóbiles de luxo, un deles da marca Jaguar. Todas as inscricións tiveron lugar entre 2001, cando Ortega accedeu á alcaldía de Majadahonda, e 2008, ano en que o exrexedor presidía Mercado Porta de Toledo SA, sociedade dependente da Comunidade de Madrid. Público comprobou onte que nin Ortega nin a súa muller constan ou constaron no Rexistro Mercantil como cargos vinculados a ningún concesionario de automóbiles, circunstancia que explicaría a abundancia de matriculacións.A paixón do exalcalde polos motores e a acumulación e cambio de coches e motos- algúns lle duraron meses- queda descrita nun informe policial recentemente incorporado ao sumario Gürtel. O dossier policial amplía o xa sabido sobre os manexos entre Ortega e a trama capitaneada por Francisco Correa, que obtivo en Majadahonda múltiples contratos presuntamente irregulares. O informe afianza os datos xa coñecidos sobre como Ortega cobrou supostamente da rede tanto en metálico como en especie, con agasallos como xoias e viaxes. Os documentos incautados avalan que Ortega usou dúas sociedades Sundry Advices e Creative Team para camuflar os subornos cobrados.>
Tonterías¡ dixo Esperanza.
*SPAIN(EL PAÍS:08-06-11)<A Legión desfilará para o Papa en Madrid.Unha compañía da Legión, con banda de música e escuadra (máis 150 militares en total), desfilará por Madrid o próximo 19 de agosto, con motivo da visita do Papa Benedito XVI, quen clausurará a Xornada Mundial da Mocidade .A Xornada Mundial da Mocidade custará 50 millóns, segundo a organización.>
A cabra tamén desfila.
*MUNDO(O XORNAL:08-06-11)<Islandia xulga o ex primeiro ministro por levalos á ruína.Geir H. Haarde gobernou Islandia dacabalo entre a Arcadia dun soño financeiro baseado na especulación salvaxe e o pesadelo social e económico en que derivou despois do crack de 2008. Fíxoo seguindo ao pé da letra o guión que marcaba o neoliberalismo. Onte, o ex primeiro ministro islandés sentou no banco dos acusados para ser xulgado polo acontecido neses cinco ou seis días que dividiron as dúas épocas do seu mandato. E tamén por todas as decisións tomadas no mellor dos mundos financeiros posíbeis que derivaron na peor das realidades socioeconómicas actuais. A súa imputación non ten precedentes en Europa despois da crise. Ningún outro alto cargo dun goberno, e aínda menos un ex presidente, foi levado ante un xuíz por ter levado un país á ruína sobre a base da desregulación financeira máis extrema. Pero na revolución democrática que sucedeu á caída dos bancos de investimentos privados islandeses, o seu proceso é visto coma un inevitábel paso máis no camiño para depurar as responsabilidades polo acontecido e devolver aos cidadáns o control do país e da súa economía, que perderon a mans dun feixe de banqueiros neoliberais, políticos ineptos, lexisladores incompetentes e un banco central de farsa.>
Porqué non continuamos?
*MUNDO:(Rebelíón.org:05-06-11)<Un banco islandés devolverá diñeiro aos hipotecados tras "resucitar" grazas ás axudas.Landsbankinn, o banco máis antigo de islandia e que foi nacionalizado en 2008, acordou reducir a débeda a miles de fogares unha vez alcanzada unha "sólida posición financeira" e de acordo co seu "compromiso de responsabilidade social e boas prácticas empresariais coa poboación" tras recibir axuda financeira.   
O banco ofrece tres fórmulas para beneficiarse do plan, que segundo as súas estimacións axudará a entre 60.000 e 70.000 cidadáns (ao redor dun 20% da poboación) e será un cambio substancial para máis de 30.000 individuos. As fórmulas ofrecidas polo banco aos seus clientes son:
.1) Reembolso do 20% dos intereses. Landsbankinn reembolsará de forma automática o 20% dos intereses pagados por persoas ou familias entre o 31 de decembro de 2008 (ano da súa nacionalización) e o 30 de maio de 2011.
.2) Redución da débeda sobre vivendas. Landsbankinn decidiu facer un cambio significativo a aqueles hipotecados en exceso (denominados 110% solution available). Así, en lugar de calcularlles a débeda pola tasación do inmoble(para vivendas de menos de 30 millóns de coroas ou uns 180.000 euros) pasará a calcularse segundo o valor de mercado dese inmoble. Coa caída do prezo da vivenda, isto provocará unha redución da débeda significativa para moitos hipotecados.
.3) redución doutras débedas. Landsbankinn reducirá a débeda que se considere que está por encima da capacidade de pago do prestatario. Neste tipo de débedas inclúense obrigacións e outros tipos de préstamos, pero exclúe, por exemplo, a débeda de tarxetas de crédito e préstamos emitidos contra hipotecas de bens inmobles do prestatario ou do vehículo.
Landsbanki foi noticia en 2008 ao ser intervido por Islandia ante a situación de quebra. A súa intervención provocou un conflito diplomático co Reino Unido xa que non se garantiron os depósitos de 300.000 británicos en Icesave, unha filial de Landsbanki.>
O mesmo que aquí...
*MUNDO(PÚBLICO:06-06-11)<Israel mata a 20 mozos na fronteira con Siria.O Exército israelí abateu a uns 20 mozos palestinos e sirios que se achegaron demasiado ao valo que separa o Golán sirio do Golán ocupado por Israel, nunha xornada que os palestinos dedicaban a recordar o día en que se iniciou a guerra de 1967. Os árabes coñecen este conflito como Naksa ou "derrota", tras a que Israel ocupou Cisxordania, Gaza, os Altos do Golán e o Sinaí.Fontes políticas israelís indicaron que o primeiro ministro, Binyamín Netanyahu, instou a Estados Unidos a que presionase a Líbano para que non permitise aos palestinos manifestarse preto da fronteira. O Exército libanés declarou a rexión fronteiriza con Israel zona militar pechada e os refuxiados tiveron que celebrar manifestacións nos campos de refuxiados>.
O xenocidio de Israel non ten fronteiras.
ADIVIÑA:
Si flexibilizar o mercado laboral é facilitar o despido,

Si flexibilizar o mercado laboral non só é poñelo mais barato senón facelo mais facil,

Si flexibilizar o mercado laboral non crea empleo senón que o destrúe,

Adiviña en cinco segundos quen é flexible.
PREGUNTA:
-Porqué unha boa parte do aproximadamente centenar de candidatos incursos en procesos por corrupción que concorreron ás eleccións autonómicas e municipais conseguiron -ou volveron a obter- o veredicto favorable das urnas?.
PAROLE¡PAROLE¡
Agustín Fernández Paz:"Dende hai meses temos un novo motivo de indignación: o intento da Xunta de baleirar de contido a normativa sobre a lingua...os que defendemos a normalización da lingua galega somos da estirpe dos indignados"
BÁRBAROS:
-Xosé Manuel Sarille:"Imaxinan aquel Bloque do vicepresidente Anxo Quintana con maioría e neste transo? Ao mellor simpatizaba máis coa leña da praza de Cataluña contra os acampados, distribuída polo molt honorable aliat neoliberal de Galeuscat".
-Alfonso Ussía:"Sólo en Francia desean su derrota, y tararí que te ví.Décadas llevan sin un francés en los tramos finales de su torneo. No es culpa de Nadal. Y Nadal cuenta con otros enemigos en España. Los españoles que no quieren serlo. No deja pasar ocasión Rafa de abrigarse con la Bandera de España en cada ocasión que triunfa. Y claro, los rebaños del retroprogresismo rebuznan. Rubalcaba no se ha atrevido con Rafa como con Marta Domínguez. Rafa Nadal representa todo lo contrario que el agonizante socialismo. La honradez, el trabajo, el talento y el patriotismo. Sí, he escrito patriotismo, eso tan anticuado para muchos. En ese aspecto, los franceses son ejemplares y envidiables. Brindo por ellos".

A SEMANA FANTÁSTICA UNIVERSAL(do 29-05-11 ao 04-06-11)

FLEXIBILIZAR: Sindicatos e patronal aparentan desencontro no proceso de negociación colectiva. Así o venres 10 de xuño, o goberno español aprobará "unilateralmente" a súa nova reforma laboral, tal e como lle esixiron desde a UE e o FMI. 
*GALIZA(O XORNAL:02-06-11)<Vicent Moreno-Escola Valenciá-:O noso modelo prevé a aprendizaxe de cantas máis linguas mellor, pero empezando polo valenciano. No País Valencià hai un consenso amplísimo arredor do noso modelo: de expertos, educadores... Só falta o PP e a Generalitat, que nin se reúne con nós. Agora, de súpeto, deciden un cambio que non sería para nada positivo e que non ten en conta as recomendacións dos expertos, que louvaron este modelo co que comprobaron, a través de avaliacións do propio Goberno, que os programas de ensino en valenciano conseguen alumnos bilingües, ademais da introdución dun idioma estranxeiro...por que queren acabar cun programa que funciona ben e consegue o plurilingüismo que pretenden? Isto é o que me dá que pensar que aquí hai algo máis. Algo debe haber detrás e, se non é así, que o desmintan, pero cheira mal. Parece unha estratexia. Fixérono en Galicia, seguirán en Baleares e logo en Cataluña. É un xenocidio lingüístico, un suicidio, un autoodio á súa propia lingua. Para que se consiga que un rapaz fale o valenciano precisaríamos como mínimo o 50% das materias en valenciano, non o 33% porque non partimos da igualdade das linguas, nin en presenza nin en prestixio>.
Sen pelos na lingua.
GALIZA:(O XORNAL:03-06-11)<A Xunta facilitou datos erróneos das axudas do bipartito a Nupel.A Consellería de Economía fixo público que o anterior Goberno deulle case o 90% dunha axuda que solicitou e o DOG corrobora que foi o 35%. A Consellería de Economía e Industria de Javier Guerra decidiu difundir as subvencións outorgadas á farmacéutica Nupel, principal investigada na operación Campión. Fíxoo por "transparencia" tras a imputación do director xeral e un subdirector do Igape, dependente da Xunta, na trama de presunta fraude con axudas públicas. Con todo, non se limitou aos datos da actual lexislatura, que é por agora a investigada no xulgado de Lugo, senón que facilitou a través dun comunicado as subvencións dadas á firma polo bipartito, con información errónea na maior axuda aprobada polo conselleiro Fernando Branco, de 1,4 millóns.En concreto, a Xunta asegura que Nupel solicitou 1,6 millóns de euros para desenvolver unidosis de fármacos, e que o bipartito facilitoulle case o 90% do que pediu, un total de 1,4 millóns. Con todo, como consta na resolución do Diario Oficial de Galicia do 5 de novembro de 2008, a firma solicitou un total de 4,1 millóns de euros para ese proxecto, e o bipartito denegoulle o 65% da axuda solicitada e só outorgoulle o 35%. O erro difundido desde a consellería refírese á maior subvención a Nupel do bipartito. As restantes ían dos 11.800 aos 29.000 euros, e outras cinco foron denegadas ou non pagadas por falta de xustificación.A actual Xunta deu a Nupel case un millón de euros -992.000- que datan en 2010 aínda que consta publicado en marzo de 2011, como informou Xornal, aínda non abonados, e un préstamo BEI a través do Igape de case tres millóns de euros>.
Mentiras. Nin erros, nin información"erronea".
GALIZA-SPAIN(O XORNAL-PÚBLICO:03-06-11)<A débeda municipal española: datos do Ministerio de Economía:
Santiago de Compostela:66,2 millóns de euros.
A Coruña : 74,7 millóns de euros.
Vigo: 34,8 millóns de euros,  117 euros por persona, a metade que a media galega.
A débeda do Ayuntamiento de Madrid, de 6.453 millóns de euros ao peche de 2010, representa o 22,3 por cento do total do que deben os 8.116 concellos españois, e o 18,2 por cento do conxunto das entidades locais.
Barcelona: 1.202 millóns de euros,
 Valencia: 890 millóns.
Zaragoza: 748.
Málaga:743.
Sevilla:544 millones de euros>.
Recordatorio:En Madrid goberna a austeridade do PP.
*SPAIN:(PÚBLICO:02-06-11)<A trama Gürtel:Francisco Correa, considerado o xefe da trama Gürtel, a maior rede de corrupción destapada en España e cuxa investigación ameaza a case unha vintena de cargos e exdirigentes do PP, poderá abandonar a prisión se deposita a fianza de 15 millóns que lle impuxo onte o xuíz instrutor do caso, Antonio Pedreira..."No está en prisión, remata el auto por meras conjeturas o hipótesis, sino por la imputación de graves indicios, así como por supuestos comportamientos tipificados legalmente"...Novas probas avalan que a 'Gürtel' levou a campaña do PP andaluz en 2004.A facturación de Rialgreen e a declaración dun publicista deixan en evidencia a versión do partido...A Policía afirma nos seus informes que foi o PP nacional quen contratou a Rialgreen, empresa administrada por Pablo Crespo, lugartenente do xefe da trama Gürtel, para os "servizos publicitarios" na campaña de Teófila Martínez de 2004... a compañía Asian Deluxe Group, como McCann, levaron para o PP, subcontratadas por Rialgreen, ademais das andaluzas, as campañas das autonómicas de 2003 e as xerais de 2004, cando o candidato foi Mariano Rajoy. A Brigada de Branqueo de Capitais cre que "os fondos públicos recibidos para o financiamento electoral e que se destinan a pagar actos electorais reverten aos responsables políticos do PP encargados do control dos ingresos e gastos, distraendo estes recursos de forma indirecta para o seu lucro persoal".A Policía afirma que recibiron presuntamente os pagos os exdirigentes do PP Luís Bárcenas, Jesús Merino, Jesús Sepúlveda e Gerardo Galeote, ademais do misterioso PAC, un home con "gran influencia" sobre importantes dirixentes do PP e non identificado polo momento>.
As tramas do PP,os amigos,os fondos públicos e o lucro persoal.
*SPAIN:(EL PAÍS:31-05-11)<Os peritos xudiciais ratificaron onte, ante o titular do Xulgado número 1 de Nules, o segundo informe sobre a investigación patrimonial de Fabra e a súa exesposa...conclúen que os Fabra defraudaron 1,5 millóns de euros e que ingresaron nas súas contas, durante eses anos, máis de 3,3 millóns de euros de orixe non xustificada. Así, os inspectores sosteñen que dos 3,6 millóns iniciais que sinalaron como ingresos sen documentar, os Fabra só puideron demostrar a orixe duns 300.000 euros, é dicir, o 9% do total...En calquera caso, aínda non se sabe se Carlos Fabra será xulgado por tres dos catros fraudes ao fisco que lle atribúen os peritos...A prescrición está recorrida ante o Supremo por Anticorrupción e pola acusación popular, pero Fabra presentou outro recurso para que este tribunal non revise o caso>. 

A moralidade e a ética dos votos.
*SPAIN:(PÚBLICO:30-05-11)<O Dicionario Biográfico Español que presentaron este mesmo xoves o rei Juan Carlos e a ministra Angeles González-Sinde.Varios expertos cualifican de "insulto" e "vergoña" que a ideoloxía franquista manche unha obra da Real Academia da Historia que custou 6,4 millóns de euros ao erario público...coa publicación do Dicionario Biográfico Español...Foi José María Aznar, no ano 1998, quen impulsou o dicionario tras unha visita á Academia dirixida por Gonzalo Anes...cando o Partido Popular gana as eleccións e Esperanza Aguirre é nomeada ministra de Educación e Cultura, cando Aguirre chega ao poder, di que se está manipulando a Historia e anima á Real Academia a pór orde. A voz de mando dáa ela. A idea é negar o carácter fascista do réxime de Franco e separar ao franquismo do totalitarismo, cuxas dúas únicas manifestacións serían o fascismo e o comunismo. Pero, como demostramos algúns historiadores coas nosas investigacións, ao fascismo e ao franquismo non se lles pode identificar só pola súa aparencia ou pola súa retórica pública, esquecendo as súas orixes, a súa evolución e a súa consecuencias. Distorsionar a historia foi un dos obxectivos primordiais da maquinaria propagandística do franquismo e é o que se fai nesa voz sobre o ditador escrita por Luís Suárez, un historiador vinculado á Fundación Francisco Franco.Tanto Aznar como Aguirre reciben loas explícitas nas súas respectivas entradas do dicionario, escritas por Manuel Jesús González, que foi secretario de Universidades durante o goberno dos populares>.
As biografías dos "fillos e netos" de Franco.
*SPAIN:(LA GACETA:01-06-11)<"A máis abortos menos pensións de xubilación", nova campaña de E-Cristians...rezan os 3.500 carteis que empezaron a distribuírse en Barcelona, Terrassa, Xirona e Blanes e que se suman ao aluguer de 10 valos publicitarios de 24 metros cadrados na capital catalá, nos que tamén se pode ler que en 2020 perdéronse máis de 211.000 millóns de euros por esta causa...o presidente de E-Cristinas, Josep Mirou i Ardèvol, sinalou que o obxectivo da campaña é alertar de que o aborto é un feito negativo para a sociedade que, aínda que queira presentarse como unha opción individual e illada, "ten efectos sobre a riqueza da poboación e a seguridade da vellez">.
Cando non lles vale a opción individual ata se volven comunistas.
*SPAIN:(EL PLURAL:01-06-11)<Los monjes del Valle de los Caídos llaman a la oración “ante la nueva ofensiva del Gobierno”.La web ultracatólica 'Religión en Libertad' ataca a la comisión que decide sobre el mausoleo franquista del Valle de los Caídos -un organismo en la que la Conferencia Episcopal se ha negado a participar a última hora-...También da cuenta la web de la oración a la que los monjes benedictinos están instando “ante el constante acoso del gobierno socialista español”. La oración es la siguiente: “Atiende, Señor, nuestras súplicas, con las que ponemos en Tus manos los destinos del Valle de los Caídos. Preserva el carácter de lugar de culto y de cementerio de todo el recinto y no permitas que se interrumpa el cántico de alabanza que diariamente allí se Te ofrece. Que la Virgen del Valle sea nuestra protectora ante Ti, juntamente con todos nuestros Santos y Mártires.”>
 Señor,señor...
*MUNDO:(EL PAÍS:31-05-11)<Procesados 20 cargos militares do Salvador por matar a Ellacuría.O reitor da Universidade Centroamericana (Uca), o xesuíta español Ignacio Ellacuría, converteuse nunha ameaza para os sectores máis reaccionarios do Goberno e o Exército do Salvador. O seu talante de diálogo e os seus esforzos para conseguir a paz entre a guerrilla revolucionaria da Fronte Farabundo Martí para a Liberación Nacional (FMLN) e o Executivo foron percibidos como un intento de acabar coa influencia da Tandona, como se coñecía ao grupo de militares que copaban os postos de máxima responsabilidade no Exército durante a guerra que arrasou o país entre 1982 e 1992. Así que varios dos seus membros organizaron toda unha campaña de desprestixio contra el e prepararon e executaron o seu asasinato e o doutros cinco xesuítas, catro deles tamén españois...11 anos logo destes feitos, o xuíz da Audiencia Nacional Eloy Velasco procesou e ordenou a captura internacional do que era ministro salvadoreño de Defensa cando se produciron os feitos, Rafael Humberto Larios, e os 19 militares que idearon, organizaron e perpetraron a matanza. O maxistrado considera que todos eles cometerían os presuntos delitos de asasinato, terrorismo e crimes de lesa humanidade ao aproveitar un "contexto inicial de guerra" para culminar unha "vulneración de dereitos humanos" de carácter "xenófobo" que tivo como único obxectivo aos xesuítas da Uca. En total, corresponderíanlles ata 270 anos de cárcere, dos que o xuíz exonera ao expresidente Alfredo Cristiani, ao que os querellantes apuntaban como encubridor da masacre...O relato da súa execución é estremecedor>.
Estremecedor.
*MUNDO(EL PAÍS:02-06-11)<Aquel día, a piques de cumprirse un mes da caída de Mubarak, que deixou o poder o 11 de febreiro, os últimos de Tahrir, os restos do campamento que gañou o pulso ao faraón, fosen violentamente desaloxados, golpeados e detidos pola policía militar.Entre as case 200 persoas que acabaron aquel día nos sotos do Museo do Cairo, onde o corpo policial do Exército tivo as súas oficinas durante e logo da revolta, houbo 18 mulleres. Houbo paus para todos, pero a 17 delas esperáballes aínda outra humillación: a de probar a súa inocencia coa comprobación de que a súa himen permanecía intacto."Todas de pé, contra a parede. Ímosvos a facer a proba. Nesta man teño un pau e nesta unha pluma; polas boas ou polas malas ídesvos a facer a proba"...Salwa Hosseini tarda case media hora en poder falar desa proba...conta que é perruqueira e que se quedou sen traballo,que ten 20 anos, que a detiveron o 9 de marzo, a electrocutaron, chamárona "puta". O que máis lle doeu, di, foron os insultos...A proba. Un test de virxinidade nun cárcere a mans dun médico, no medio dun corredor, rodeada de soldados...As nove que recoñeceron ter relacións sexuais foron deixadas aparte...Unha denuncia de Amnistía Internacional a finais de marzo alertaba do ocorrido ás mozas...un oficial de alto rango revelaba a CNN, baixo condición de anonimato, a veracidade da acusación."Non queriamos que dixesen que foran asaltadas sexualmente ou violadas, queriamos demostrar que non eran virxes desde o principio", dixo o xeneral. "Ningunha delas o era", argumentou o militar. "As mozas que foron detidas non eran como a súa filla ou a miña. Eran as mozas que acamparan en tendas de campaña cos homes que se manifestaron na praza de Tahrir". Este recoñecemento é para Amnistía Internacional "unha xustificación totalmente perversa dunha forma degradante de abuso". Na súa opinión, as mulleres foron sometidas a "nada inferior a calquera tortura">.
A tortura por ser muller.
PREGUNTA:
Porqué se a lei prohibe vender armas a países onde haxa un conflito armado, ou non se respecte "a dignidade inherente ao ser humano" ou se promovan "violacións dos dereitos humanos ou do dereito internacional humanitario",España vendeu material militar a Libia en 2010 por 11,2 millóns-o total do exportado ascendeu a 1.128,3 millóns- e Exipto, Bahrein, Marrocos ou Israel atópanse entre os compradores?.
PAROLE¡PAROLE¡
-Marcos Ana (poeta y preso en las cárceles franquistas durante 23 años). "No hemos conseguido establecer la historia de los vencidos para que nuestros hijos sepan lo que ha ocurrido. Fue una de las dictaduras más tremendas, con personas que pasaron la mitad de su vida en la cárcel, como yo, que estuve condenado a muerte y 23 años encerrado. Franco fue un dictador perverso".
BÁRBAROS:
-Pío Moa(Libertaddigital):<con el funesto presidente actual ha llegado la quiebra: colaboración abierta con la ETA, corrupción de jueces y del Tribunal Constitucional, ley totalitaria de "memoria histórica", leyes perversas contra la familia y la vida humana, etc. Todo lo cual deriva lógicamente de las ideas de base de estos individuos que se consideran "rojos", de las viejas demagogias nunca del todo abandonadas, de su desprecio por España...La situación puede resumirse en los últimos episodios: unos miles de descerebrados desafían la ley y el Gobierno se hace cómplice de ellos. ¿Y cómo podría ser de otro modo si el responsable del orden público es mucho más delincuente que los descerebrados, como colaborador y chivato de la ETA, portavoz del GAL y primer transgresor de la llamada jornada de reflexión? Repito lo de siempre: o la democracia acaba con estos delincuentes o estos delincuentes acaban con la democracia>.
-Ferran T. F.(axente da Guardia Urbana de Barcelona):"Lo mío ha sido como estar en una pastelería y no poder comer ni un trocico de pastel. Tanto hijoputa y ni una colleja he podido dar".
-Fernando Sánchez Dragó:"No fue Hitler, Stalin, Mao Tze Tung, Fidel Castro; mucha gente habla de Franco sin haber vivido el franquismo, si no te metías en política te dejaba vivir bastante en paz".
-José María Aznar:"Entiendo que estar con Israel es defender la paz. Yo creo en Israel y no me avergüenzo de decirlo.Defender al estado de Israel es "una causa justa" porque el Estado judío comparte con los países democráticos una serie de valores, la libertad, la tolerancia, el pluralismo, la igualdad entre hombres y mujeres".
-Alfonso Ussía:"Las pulgas han invadido el campamento de los que no hacen nada. Las serpientes se han adueñado de las tierras vascas. Urkullu, el tiro –nunca mejor escrito–, por la culata...Las pulgas sólo pican, y gustan de la mugre y la suciedad. Las serpientes han matado a mil inocentes y volverán a hacerlo cuando les llegue el dinero de los municipios y las diputaciones. De ser justos, que no lo son, los seis magistrados del Tribunal Constitucional que han abierto las cajas de las víboras enroscadas en el hacha, harían bien en prescindir cada uno de un escolta".
-Miguel Durán:"Sólo nos faltaba que el pepino español fuera puesto en tela de juicio, con lo que nos cuesta a veces mantener la dignidad patria al pueblo llano. Pero se mueren unos cuantos alemanes y ahí va la tropa de doña Angela Merkel a cuestionar nuestra pepinidad...lo esencial para estos señores que ocupan el Gobierno es preservar su chiringuito, que la derrota no sea excesiva y, si es posible, esperar un golpe de gracia que, vaya usted a saber, vuelva a dar otro vuelco como el del 11-M. No quiero llamar al mal tiempo, pero Rubalcaba y su cohorte no renuncian a sacudirle in extremis un buen pepinazo bien contaminado a D. Mariano".