Xenocidas e unilaterais

Sesenta e catro anos despois de que a ONU a través da resolución 181 que en 1947 decidira a partición en dous Estados do entonces Mandato Británico en Palestina e pola que aos xudeos se lles adxudicou o 56% do territorio, aos árabes o 43%, e Xerusalén  declarada entidade especial administrada pola ONU, só existe unilateralmente, Israel.
Sesenta e catro anos despois, a unilateralidade da ONU, dos EEUU, de Israel e dos seus cómplices, non existe Palestina, como Estado independente e soberán. A ONU incumpre a súa resolución, sendo a máxima responsable desta situación inxusta e do éxodo palestino.
Sesenta e catro anos despois, o suposto Estado Palestino sería moito mais pequeno que o asignado en 1947, porque en 1967, Israel  ocupou militarmente Xerusalén Este, Cisxordania e Gaza, e desde esa data os palestinos non teñen  nin un solo metro independente e soberán no seu fogar histórico, tendo que aceptar que ao pobo palestino se lle asigne o 22% da Palestina histórica.
Sesenta e catro anos despois Israel e os seus cómplices, unilateralmente, intentan que o mundo olvide que Israel basea a súa legalidade e lexitimidade internacionais na resolución 181 dese mesmo organismo, dilatar no tempo a existencia dos palestinos, para continuar co xenocidio a súa desaparición total como pobo, as políticas de apartheid, e ocupación ilegal do territorio.
Sesenta e catro anos despois, o voceiro para Galicia do Estado fascista de Israel, o Sr.Pedro G.-Valadés afirma:<Israel non se opón en absoluto á creación do estado palestino>, <Israel...desexa a paz>,<un paso unilateral como este vai en contra de todos os acordos asinados até a data entre o Estado de Israel e os palestinos e poden levar a toda a rexión a unha situación incendiaria>,<Recoñecer nestes intres ao estado palestino, cando de feito hai un goberno de unidade Fatah-Hamás, é tamén un xeito de lexitimar a Hamás, unha organización terrorista>,<a cuestión realmente non é que Israel ou a ONU recoñezan ao estado palestino, senón que os palestinos e os países árabes recoñezan ao estado de Israel>.
O mundo o revés¡.
Ten razón o Sr. Pedro G.-Valadés cando sinala que"A historia demostra teimuda que o único xeito de alcanzar unha paz xusta e duradeira é a das negociacións ou ben a eliminación do contrario". Negociacións houbo a ducias e desde a primeira resolución a 181 todas falsas e incumpridas. Israel dilata as negociacións, incumpre as resolucións internacionais sesenta e catro anos, e opta pola vía da eliminación dos palestinos, polo apartheid, polo xenocidio.
Tamén pola vía das ocupacións ilegais do territorio. As colonias israelíes son ilegais segundo o Dereito Internacional Humanitario que rexe para o territorio palestino.O IV Convenio de Xenebra (art. 49) prohíbe ao poder ocupante trasladar parte da súa poboación ao territorio ocupado. Reiteradas resolucións da ONU afirman desde 1967 que as colonias son o principal obstáculo para a paz.
Por que Israel e os seus voceiros non queren un Estado Palestino e chaman unilaterais, terroristas ou acusan tamén a histórica solicitud palestina como "unha inminente ameaza para a paz no Oriente Próximo"?:
-Ser un Estado permitiría a Palestina, demandar a Israel ante a Corte Internacional de Xusticia, que só pode tratar asuntos presentados por un Estado contra outro, pero que en 2004 emitíu unha “opinión consultiva” sobre o Muro( Barreira de Separación que Israel empezou a construir en 2002, co 85% dentro de territorio palestino), categóricamente favorable a Palestina e condenatoria de Israel.
-Israel xa non podería afirmar que Palestina é “un territorio en disputa”, tería que definir as súas fronteiras definitivas (algo que casualmente ten pendente)e aceptar o que hoxe nega : que o territorio da Palestina histórica debe ser compartido por dous pobos cos seus respectivos Estados(resolución 181 da ONU).
-Poñería a ONU diante  da complexa situación dun Estado membro ocupando o territorio doutro Estado membro (ainda que non fora pleno).
-Non hai Estado sin recuperación e control pleno do territorio, sin soberanía nas fronteiras e sin liberdade de movemento entre os tres grandes bloques territoriais, hoxe totalmente desconectados entre sí: Gaza, Cisxordania e Xerusalén Este.
-O dereito á autodeterminación non pode exercerse  nun Estado reducido e fragmentado nos 500 "bantustanes"-reservas tribales de habitantes non blancos en Sudáfrica e África do Sudoeste polas políticas segregacionistas impostas durante a época do apartheid- que pon en práctica a ocupación sionista.
-Israel tería que retirar as 250 colonias ilegais que hoxe ocupan o 42% de Cisxordania, e derrubar o Muro.
A Asamblea Xeral da ONU o 22-11-74,  reafirmou os dereitos inalienabeis do pobo palestino, que incluían a autodeterminación, a independencia e a soberanía nacionais, o dereito a regresar os seus fogares e a recuperar os  seus bens. Estos dereitos  reafírmanse cada año, tal e como foron enunciados en 1974.
En 1975, la Asamblea Xeral estableceu o Comité de Dereitos dos Palestinos, e en 1976, o Comité fixo dous tipos de recomendacións:un, sobre o dereito dos palestinos a regresar os seus fogares e recuperar os seus bens e outro relativo á autodeterminación, á independencia nacional e á soberanía. O Consello de Seguridade non puido adoptar unha decisión a causa do veto de EEUU, igual que ocurriría en sucesivas ocasións. A Asamblea Xeral respaldou as recomendacións do Comité tanto en 1976 como nos anos seguentes. Na resolución 43/177, de 15 de decembro de 1988, a Asamblea Xeral da ONU coñeceu a proclamación do Estado de Palestina e afirmou a necesidade de que se permitiera ao pobo palestino exercer a súa soberanía sobre o seu propio territorio ocupado desde 1967.
Onde está a unilateralidade.? Ou non é o veto unilateral?
Recollo o seguinte artigo,O discurso de Obama sobre Palestina¡Míster President!, publicado por rebelión.org de Marc H. Ellis(profesor universitario de Estudos Estadounidenses e Xudeos e director do Centro para Estudos Estadounidenses e Xudeos na  Universidade Baylor University en Waco, Texas).
(Recomendo ao Sr. PedroG.-Valadés e amigos cambien presidente polo seu nome).
<A pesar de todo, teño unha pregunta básica. E formúlolla como xudeu... cre realmente as súas propias palabras sobre o recoñecemento do Estado palestino? Estou fascinado, señor presidente. A súa discusión sobre o recoñecemento do Estado palestino xira sobre todo ao redor do Estado de Israel, a historia xudía e o Holocausto. Por que?... Sermonea, desde a perspectiva xudía, sobre por que Israel é importante para os xudeus. Recita o que case se converteu en rutina na miña comunidade. Ten razón cando fala de séculos de exilio e persecución, a devastación do Holocausto e o retorno á nosa antiga patria.
E logo vólvese cara aos palestinos. Escoito con expectación. Pero, señor presidente, déixame desilusionado. Parece que na súa interpretación histórica, os xudeus, o Holocausto e a historia xudía simplemente caen sobre os palestinos. Ou máis ben, existe a historia xudía, e logo están os palestinos, que tamén merecen un Estado. O feito de que os xudeus haxan dislocado aos palestinos e tomado a súa terra parécelle algo trivial. De feito, vostede nunca o menciona. Vostede non utiliza o termo"limpeza étnica", o que sucedeu aos palestinos ao crearse o Estado de Israel. ...Si, os xudeus levan ao lombo séculos de exilio e persecución. Os xudeus europeos sufriron a masacre de seis millóns. Seino como xudeu. Crecín con eses recordos. Pero, señor presidente, como neno que aprendeu a nosa historia, nunca imaxinei que os xudeus utilizarían eses séculos de exilio e persecución, os nosos seis millóns de mortos, como un instrumento brutal contra outro pobo. Nunca. Nin na miña máis desatinada imaxinación. ¡Non!
Ao escoitarlle pensei en como terminan as cousas. Como terminou a historia xudía, en limpeza étnica e ocupación.
Pero, señor presidente, isto tamén pode ser o noso comezo. Ese comezo só terá lugar cando xudeus e palestinos digan xuntos a verdade. E, si, tal vez algún día, fágao o presidente de EE.UU.>
 E tamén algún día, diga a verdade o Sr.Pedro G.-Valadés, e os seus amigos.
*Con horror e espanto vexo un comentario en GC, ao artigo do Sr.Pedro G.-Valadés que dí:<O nacionalismo galego e a defensa de Israel non están reñidos>.
 O nacionalismo galego está contra o xenocidio, a masacre, o apartheid, e contra todos os crimes perpetrados polo fascismo. Loitamos polos dereitos dos pobos a vivir e non polo xenocidio que Israel hoxe representa.

A SEMANA FANTÁSTICA UNIVERSAL(Do 17-09-11 ao 24-09-11)

Abbas,na ONU: "É o momento de decir basta, basta, basta".PALESTINA LIBRE:194¡

*GALIZA:(A Nosa Terra:21-09-11):Afonso Eiré:<O PP ten un modelo educativo que non comunga co sistema público. Tampouco coa universalidade da educación e a igualdade de oportunidades.O PP non só está a prol de aumentar os centros concertados, senón que aposta porque cada vez máis centros impartan “unha educación católica integral”.Por iso están a impulsar, como alternativa, os colexios privados católicos (concertados, por suposto) para firmar as súas elites e os fillos da burguesía.Por iso os recortes dos orzamentos no ensino público non significan un recorte en educación.Senón que ese diñeiro se traspasa ao ensino privado.A perda de calidade no ensino público por falta de recursos leva emparellada unha maior demanda no ensino privado para aqueles que o poidan permitir.Esa é a súa política.A que apoian os seus votantes, conscientemente uns, alienados outros>.
Cento catro anos despois, un novo até logo:A NOSA TERRA.
*GALIZA:(A Nosa Terra:21-09-11):Rexina Vega:<En poucas ocasións faise tan nidio o carácter xusto e necesario dunha folga e por iso, se cadra, o deber dos docentes progresistas é procurar mover o ánimo daqueles compañeiros máis tépedos.Somos moitos, pero necesitamos converxer, organizarnos, ofrecerlles unha explicación razoada e conxunta aos pais e aos medios de comunicación para crebar o espello deformante que o poder presenta. Podemos paralizar un país, podemos forzar unha negociación, pero precisamos sabernos conscientes do alcance real da desfeita. Saber transmitir que, alén dunhas horas e dunha porcentaxe de soldo, o que nos indigna, o que nos compromete é a segregación social á que a dereita nos condena>.
A dereita nos condena co seu poder.
*GALIZA:(elpais.com.14-09-11):Anxo Guerreiro:Rotundo fracaso.<...fai aproximadamente tres anos o Banco de España -apoiado polo Goberno co apoio do PP e a evidente anuencia da gran banca española- puxo en marcha un ambicioso plan de reestruturación das caixas de aforro. Pronto estiveron claros os obxectivos que se perseguían co agresivo proxecto do Banco de España. O primeiro deles, desvincular ás entidades de aforro dos territorios nos que historicamente operaran e subtraelas da influencia dos poderes autonómicos, en coherencia co proceso recentralizador que impulsan os dous grandes partidos españois. O segundo obxectivo consistía en abrir un proceso privatizador que acabase transformando -como sucedeu- as caixas en entidades bancarias privadas.Pretendíase -e logrouse plenamente- liquidar así un sector (as caixas) que representaban máis do 50% do sistema financeiro...Con todo, todos os intentos para manter unha plataforma financeira galega cos centros de decisión na nosa terra conduciron a un rotundo fracaso...o futuro do novo banco (NCG Banco) está aínda rodeado de moitas incógnitas. Polo momento, a capitalización de NCG corre a cargo do Fondo de Reestruturación Ordenada Bancaria (capital público), pero esta mal chamada nacionalización en realidade, como aclarou o profesor Joseph María Vallés, non é máis que unha desamortización. O resultado, segundo as noticias publicadas, será un banco no que o capital estranxeiro será amplamente maioritario (o galego non superará os 150 millóns de euros) e, xa que logo, os centros de decisión non estarán en Galicia, aínda que provisionalmente manteña a sede social e fiscal na Coruña e a dirección efectiva do negocio en Vigo. O recordo do que sucedeu no seu día con Fenosa e outras importantes empresas galegas é inevitable.Por todo iso Feijóo, que presumiu de ser o impulsor da maior operación financeira da historia de Galicia, debería recoñecer publicamente o seu estrepitoso fracaso. E José Blanco debería explicar cales son as vantaxes para Galicia dunha operación que o ministro de Fomento cualifica de seria, positiva e solvente. Pero nin un nin outro farán semellante cousa. Ao contrario, farán da necesidade virtude e, como dixen ao principio desta columna, predominarán os intereses de partido ou persoais sobre os xerais. Neste caso, sobre os de Galicia.>
PPSOE:liquidar Galiza para gloria de Feij009,Caballero,Blanco,Rueda,Pachi.......
*GALIZA:(elpaís.com 23-09-11):Cristina Huete<Baltar converte en funcionarios a 15 cargos máis do PP e familiares seus.Entre eles, a filla do rexedor de Cea, que xa ten a catro parentes na Deputación.José Luís Baltar segue enchendo a Deputación de alcaldes e concelleiros do PP, e fillos de todos eles. Unha nova remesa de persoas vinculadas a este partido na provincia de Ourense resultou a mellor cualificada nos exames das oposicións abertas recentemente polo barón do PP galego. A puntuación púxoa un tribunal examinador que, como é habitual, estivo integrado maioritariamente por alcaldes, exalcades, concelleiros, ou vástagos deles, tamén do PP...Entre os novos funcionarios figuran María Pilar García Tizón, concelleira do PP en Cea; Nicolás Pérez Pereira, fillo do alcalde de Padrenda; Diego Paz Taín, concelleiro de Verea; María Jesús Casas Nieto, filla do exchófer do vicepresidente da Deputación e portavoz do PP no Concello de Ourense, Rosendo Fernández; Javier Fernández Varela, sobriño do alcalde de Boborás, e Avelino Pazos Pérez, número dous do PP en Castrelo de Miño e membro da executiva provincial deste partido. Xunto a eles, a filla do alcalde de Cea, José Luís Valladares, que tras quedar sen escano na Deputación, decidiu subirse o soldo no Concello un 70% e cobrar das arcas municipais ao redor de 34.000 euros anuais.Co acceso desta filla á institución provincial, Valladares suma xa cinco familiares empregados por Baltar...A maior parte dos empregos que ofrece a Deputación ourensá son, aínda que ben remunerados, de baixa cualificación. É o caso dos 33 porteiros de que dispón o edificio cultural da Deputación que ten tres portas...Baltar contrata ao novo persoal vinculado ao PP apenas uns meses logo de explicar a súa política de recortes>.
O PP e a familia.
*GALIZA:VIGO:(-lavozdegalicia.es-17-09-11):Eduardo Rolland:A cruz do Castro.<A Cruz dos Caídos, no Castro, non é un monumento relixioso, senón político. Foi erixida para satisfacer a Franco, que mandou levantar en toda España unhas cruces que tivesen «a grandeza dos monumentos antigos» e que desafiasen «o tempo e o esquecemento»...O pasado mércores, a cruz cumpriu 50 anos. Inaugurada polo propio ditador o 14 de setembro de 1961...A cruz foi expresamente dedicada aos 330 mortos do bando franquista durante a Guerra Civil. Por suposto, non se mencionou aos 136 vigueses que foron fusilados ante os muros do castelo do Castro de 1936 a 1942, como tampouco aos que morreron na Porta do Sol, cribados polas tropas do capitán Carreró, ou os outros 740 represaliados polos sublevados que repousan no cemiterio de Pereiró...Diversos colectivos presentaron en maio ante ou Concello 4.040 firmas pedindo a retirada dá cruz. Pero foron ignoradas. Non hai noticia de que o asunto vaia sequera a tratarse. E o alcalde non fai declaracións respecto diso. O xusto sería que o caso debatésese nun pleno municipal. ..Agora que unha lei non só permite senón que obriga á súa retirada, fágase. Faise difícil entender que interese hai en demorar e emponzoñar todo este asunto, defendendo ese espantallo>.
Cousas do  "pequeno emperador".
*EUSKAL HERRIA:(Rebelión.org.24/9/2011):O Colectivo de Presos Políticos súmase ao Acordo de Gernika.O Colectivo de Presos e Presas Políticos Vascos (EPPK) deu a coñecer a través dun comunicado que decidiu sumarse ao Acordo de Gernika, co que se aliña con decenas de forzas políticas, sindicais e sociais vascas para impulsar un escenario de paz e solucións en Euskal Herria.
No camiño da paz.
*MUNDO:(público.es-21-09-11):O presidente de EEUU renega das resolucións de Nacións Unidas e aposta por negociacións directas entre as autoridades palestinas e israelís.No seu discurso ante a 66 Asemblea Xeral da ONU, Barack Obama afirmou que "a paz en Oriente Próximo non virá de resolucións e declaracións en Nacións Unidas"...Durante os últimos días, Israel e EEUU fixeron todo o posible para que Abás non pedise o aval da ONU para o Estado palestino. A máxima obsesión de ambos os países, e tamén da UE, é que o futuro Estado de Palestina non denuncie a Israel ante a Corte Penal Internacional por crimes de guerra ou contra a humanidade. Algo que os palestinos só poderían facer co recoñecemento de Nacións Unidas.
Obama deixa vendidos aos palestinos ante a ONU.
*MUNDO:(público.es)17-09-11):O presidente palestino, Mahmud Abás, presentará o venres 23 de setembro en Nova York, ante a Asemblea Xeral da ONU, unha proposta para que o Consello de Seguridade recoñeza inmediatamente un Estado palestino con plenos dereitos e nas fronteiras de 1967. Unha iniciativa que supón un desafío a EEUU, que xa anunciou que a vetará no Consello, e para Israel, que quere evitala custe o que custe...A UE e EEUU queren, por encima de todo, arrincar a Abás unha garantía firme de que o futuro Estado non denunciará ante a Corte Penal Internacional (CPI) a Israel por crimes de guerra ou contra a humanidade que se cometeron no pasado ou se poidan cometer no futuro. Esta é agora mesmo a única obsesión de Israel, EEUU e a Unión Europea...Os cidadáns europeos deben saber que aos seus representantes non lles preocupa que se cometan crimes de guerra ou contra a humanidade, pero si lles preocupa que se denuncien".
ISRAEL BOICOT¡
*MUNDO:(elpaís.com:21-09-11)Grecia aplica un recorte de ata o 40% nas pensións e sobe impostos.Atenas deixará sen traballo durante polo menos un ano a 30.000 funcionarios - O Executivo baixa a 5.000 euros o mínimo exento para tributar pola renda.
As medidas aprobadas:
- Eliminación de 30.000 funcionarios, que pasarán a unha "reserva" previa ao despedimento ou a xubilación.
- Recorte do 20% nas pensións de máis de 1.200 euros sobre o importe que exceda desa cantidade.
- Redución do 40% do importe que exceda de 1.000 euros nas pensións dos xubilados con menos de 55 anos.
- Imposto á propiedade inmobiliaria que gravará con entre 0,5 e 16 euros o metro cadrado ata o 1 de xaneiro de 2014.
- Fixación da renda mínima para pagar impostos en 5.000 euros anuais, fronte ao actual limiar de 8.000 euros.
- Novo sistema de salarios "transparente, fiable e xusto" no sector público que pode reducir os soldos ao redor dun 15%.
- Impulso ás privatizacións, eliminación de monopolios nalgúns sectores e liberalización do mercado laboral.
(michelcollon.info):<O Estado grego ten unha débeda de 350 mil millóns de euros. Os capitalistas gregos teñen 600 mil millóns nas súas contas en Suíza>.
PAROLE¡
-¿Existe Lucha de Clases? Vicenç Navarro: <...as políticas fiscais que definen quen paga impostos e en que cantidade non veñen definidas por factores económicos, senón por factores políticos, o cal quere dicir polo poder e influencia que distintos colectivos de persoas teñen nas nosas sociedades sobre as institucións políticas (e mediáticas). E destes colectivos, os ricos e superricos (o que adoitaba chamarse a clase capitalista ou burguesa, termos hoxe abandonados por considerárselles anticuados) son os máis influentes. O feito de que non se fale de clases sociais e loita de clases en España débese precisamente ao seu enorme poder sobre as institucións políticas e mediáticas. Como consecuencia, a versión convencional da estrutura social dos nosos países afirma que as clases sociais basicamente desapareceron, posto que a maioría de cidadáns pertence á clase media, aceptando que por encima están os ricos -a clase alta- e por baixo os pobres -a clase baixa-. Polo demais, falar de clase capitalista ou burguesía, pequena burguesía, clase media e clase traballadora (a maioría da poboación) considérase ser moi anticuado. As ciencias sociais, con todo, son ciencias. E a clase social é unha categoría científica. E en ciencia non debe confundirse antigo con anticuado. A lei da gravidade é moi antiga, pero non é anticuada. Se o dubida, salte dun cuarto piso. E isto é o que está ocorrendo a gran parte das esquerdas gobernantes. Están saltando do cuarto piso e están caendo en picado>.