IDA E VOLTA

NUN PRESENTE FUTURO:

*O Parlamento vasco proclama o dereito de Euskadi á autodeterminación:

O Parlamento vasco aprobou unha proposición non de lei de EH Bildu cos votos de PNV e EH Bildu, que"Euskal Herria ten dereito á autodeterminación e que ese dereito reside na potestade dos seus cidadáns para decidir libre e democráticamente o seu estatus político". A iniciativa sinala que os vascos teñen dereito a decidir o seu "estatus político, económico, social e cultural, ben dotándose dun marco político propio ou compartindo, en todo ou en parte, a súa soberanía con outros pobos". Pola súa banda, PSE, PP e UPyD rexeitaron a proposta.

NUN PRESENTE PASADO:

*<Podemos Vigo decidirá en asemblea se o galego é o seu idioma de uso público: O galego como a lingua pública das diferentes organizacións políticas e sindicais, para alén da práctica real e diaria de boa parte delas, é un dos escasos campos nos que ese uso do idioma propio non está en discusión. Así, cartelería, declaracións públicas, comunicados, etc... de partidos e organizacións políticas están en galego. Por iso a moitos chocou que unha nova formación, situada na esquerda, fose quen irrumpise en Galiza cunha presenza maioritariariamente en español por parte dos seus propios círculos no país. Cartelería, declaracións, voandeiras...

Nunha acta da xuntanza mantida esta semana pola coordenadora de Podemos en Vigo tiña entre un dos seus puntos, o sexto, “la cuestión de la utilización del idioma gallego”. Un tema que, sinalábase nunha nota aclaratoria posterior e xa escrita en galego, soborda a competencia da propia coordenadora (en principio, partidaria do galego) polo que o acordo será tomado en asemblea, “á que tamén asistirá xente que defende a posición contraria”. Así pois, nunha asemblea haberá quen defenda o galego como ese idioma público de Podemos en Galiza, e tamén quen defenda o contrario. Na mencionada nota aclaratoria a coordenadora sinalaba: “O sentir maioritario na mencionada coordinadora é o de promover o uso do galego nos nosos comunicados públicos e redes sociais, ó considerar que a invisibilización á que se atopa sometida á nosa lingua colócaa nunha situación de inferioridade respecto ao castelán, e entendendo que esta decisión pode ser máis acorde cos acordos programáticos de Podemos”. Mais, prosegue, debe ser a asemblea quen decida, nun debate no que haberá valedores das diferentes posturas.>(Sermos Galiza) 

Felipillo(s)

*O expresidente do Goberno Felipe González mostrou este mércores o seu temor ante a "catástrofe" que supoñería para España e para Europa que prendan "alternativas bolivarianas influídas por algunhas utopías regresivas", que conducen "ao de sempre", de maneira que se reparte igual, pero miseria, salvo a nomenclatura, que nunca se queda coa miseria".

(Moito millor é que o reparto o fagan "cidadáns exemplares").

*A Axencia Tributaria remitiu un informe ao xuíz da Audiencia Nacional Pablo Ruz no que acredita que Jesús Sepúlveda, exalcalde do PP de Pozuelo de Alarcón (Madrid) e ex-marido da ministra de Sanidade, Ana Mato, recibiu da trama Gürtel entregas de diñeiro, viaxes e outras prestaciones no seu favor ou no de membros da súa familia. Estas ganancias, que fiscalmente teñen a consideración de ganancias patrimoniales e están suxeitas a imposto. O valor do recibido por Sepúlveda da trama Gürtel ascende a 546.457 euros, dos que 477.090 corresponden a entregas en metálico e o resto a agasallos en forma de viaxes, festas familiares e outros conceptos, segundo o equipo da Organización Nacional para a Investigación da Fraude (ONIF). Nesta cantidade non se inclúen as cantidades para financiar a campaña electoral do exalcalde de Pozuelo en 2003. As cantidades percibidas están moi lonxe de poder xerar unha cota por IRPF presuntamente defraudada superior a 120.000 euros, constatan os técnicos tributarios.Ademais, nas bases de datos que manexa Facenda constan catro vehículos un BMW 523-i, un Jaguar, un Jeep Grand Cherokee e un Range Rover por valor total en aluguer con opción a compra de 124.659 euros.

 *A dimisión de Adrián Varela (PP) como concelleiro de Deportes do Concello de Santiago produciuse o mesmo día en que foi citado a declarar en calidade de querellado (figura análoga á de imputado nos casos de denuncias), a raíz da querella presentada contra el pola CIG despois de que pedise o despedimento da muller dun sindicalista. Nunha conversación telefónica incluída no sumario da Pokémon coa empresa Vendex pediu a esta que despedise a unha traballadora, esposa dun representante sindical do Concello do que Varela dixo que "nos está tocando los huevos» Adrián Varela esgrimía que a súa renuncia era unha mostra de "solidariedade" cos seus compañeiros que se sentaron no banquiño por autorizar a súa solicitude para que o Concello costease o seu defensa na Pokémon, na que está imputado. recoñeceu que a situación no último ano era "ciertamente tensa" no Concello de Santiago, onde dez dos 13 concelleiros do equipo de Goberno están imputados.

*Os xuíces condenaron este mércores ao exconsejero valenciano Rafael Blasco a oito anos de cárcere e 20 de inhabilitación absoluta pola fraude nas axudas de cooperación ao desenvolvemento, cometido durante a presidencia de Francisco Camps. Un total de 43 anos de prisión e 47 anos de inhabilitación para a trama que se apropiou dos fondos destinados a proxectos de desenvolvemento en América Latina, África e Asia pola Generalitat valenciana. A rede estaba integrada pola cúpula da Consellería de Solidariedade, á que pertencían seis dos nove condenados. Á fronte de todos eles, como "director" da trama, Rafael Blasco, o home que definiu unha parte crave da política valenciana dos últimos 30 anos, e que alcanzou a súa máxima cota de poder en 2009, durante a recta final do mandato do expresidente Camps.

Notas para Felipe:

*O 17,2 % da poboación galega vive por baixo do limiar da pobreza, segundo a Enquisa de Condicións de Vida (ECV) que hoxe publica o Instituto Nacional de Estatística (INE).

*As familias pagan 50 veces máis impostos que as grandes empresas
Así o recolle un informe presentado por Oxfam Intermón, que pide ao Goberno que acometa unha reforma fiscal para financiar as políticas sociais tralos recortes sufridos.

*O FMI propón subir impostos indirectos e IVA pese ao seu impacto nos máis pobres.

*O 94% das empresas do IBEX tiñan sociedades en paraísos fiscais no 2012.