Feijó009 e Rajoy teñen ideas para rematar co paro:Ás "mangueritas".

En vésperas da folga xeral, Feijó009,  anunciou nunha intervención no Parlamento, un novo plan dotado con 30 millóns de euros para estimular a creación de emprego nos concellos que rexistran as cifras máis elevadas de paro. O Goberno galego ten previsto aprobar, na reunión semanal do Consello da Xunta  o bautizado como Plan 500, que beneficiará a unhas 44.000 persoas nos concellos que teñan rexistrados máis de 500 desempregados, algo máis de 90 en Galicia, pois será neles onde se concentrará o investimento.
Ou Feijó009  non sabe a regra do tres, ou anda despistado cazando coellos imaxinarios. O que sí é seguro é que non anda coa "manguerita" apagando os lumes que no mes de Marzo teñen mais queimado este país que o Meco do pasado Entroido.
Esquecido xa o seu Contrato electoral para rematar co paro en 15 días 15, presentou no anterior debate da Autonomía a máxica solución para os problemas do país: a fusión dos concellos de Oza e Cesuras. Das Deputacións non sabe e non contesta pero ademais ten a mais de cincoenta alcaldes do PP en pé de guerra.
Estimulado polas súas luminosas ideas, pensa agora, en rescatar do paro a 44.000 persoas con 30 millóns de euros. Dado que o número de parados alcanza en Galicia 275.000 (e xa pasaron mais de quince días), a pregunta é: porqué en lugar de 30 non inviste 180 millóns e resolvería todo o problema?
Rajoy tamén ten ideas. Mentres premia aos defraudadores cunha amnistía fiscal, coa Reforma Laboral pretende crear emprego, pero no orzamento para o 2012, desmíntese a sí mesmo...<O recorte orzamentario cébase coas políticas activas de emprego. Recortará en 1.557 millóns unha partida que en 2011 ascendeu a uns 7.600 millóns, segundo anunciou o ministro de Facenda, Cristóbal Montoro. É dicir, redúcese en case o 21'2% o diñeiro para a formación de parados, a procura de emprego para quen non o ten ou a redución de cotizacións sociais para o empresario que contrate. Xunto a esta medida, o Executivo tamén recortou en 67 millóns a dotación ao Fondo de Integración de Inmigrantes, tamén dependente de Emprego...esta decisión camiña en dirección oposta a todas as recomendacións dos organismos internacionais (FMI, OCDE, OIT). Segundo a opinión destas institucións, a mellor protección contra o desemprego non é a que paga sen máis unha prestación ao parado, senón a que combina esta paga coa formación para a reciclaxe e a procura dun traballo>.
Nos queren facer parvos.
Teñan coidado aí fóra¡

As repugnancias de Conde Roa alcalde do PP de Santiago: “Borriquito como tú” .

A anulación por parte do Concello de Santiago dunha actuación que tiña previsto o cómico italiano Leo Bassi no Teatro Principal o próximo 10 de abril, é un monumento máis a engadir á política intolerante e de censura que tanto gusta aos políticos do PP. Pero por se isto non fose pouco, engaden a súa conxénita estupidez, unhas declaracións do actual alcalde de Santiago, Conde Roa nas que di: <”O señor Bassi prodúceme especial repugnancia” e sinalou para xustificar a suspensión que cre que "había unha coincidencia de datas con outra programación". "Non teño ningún interese en que a cultura de Santiago se vexa identificada co señor Bassi", dixo o rexedor compostelán, e engadiu que o cómico italiano "non é unha persoa que culturalmente nos poida achegar algo".

Conde Roa xa nos deleitou o trinta de setembro pasado con outra maravillosa actuación como reflectiron os xornais:<Ás portas do teatro, visiblemente airado e con dirixentes políticos, xornalistas e numerosos veciños como testemuñas, o alcalde de Santiago, Gerardo Conde Roa, ameazou e insultou ao iluminador da obra O barbeiro de Sevilla ao que chamou "mamón e parásito", despúés de acusalo de vivir do diñeiro público. Acompañado polo conselleiro de Cultura, Roberto Varela, e o edil que xestiona esa área no Concello, Angel Currás, que evitaron ser parte do boureo, o rexedor dirixiuse con ton ameazante e encarouse co traballador da compañía, ao que tamén chamou maleducado.>

O pasado Nadal, o mesmo Conde Roa fixo as delicias de propios e estraños presentando, como se observa na foto, a programación para os nenos. Todo un exemplo para identificar a cultura de Santiago polo mundo adiante, por unha persoa, o citado, que pensa que desta maneira tan “cultural” pode achegar algo. É innegable que o baile do “Borriquito” estivo moi ben escollido, como representación do Sr. Conde Roa.

Algún representante cultural do PP, ten algo que engadir diante de tanta estupidez?

Día Mundial do Teatro :Recortes ,censuras e paro.