Spain un exemplo para o mundo.

O Partido Popular é unha organización podre, baseada nunha financiación ilegal e corrupta, que leva décadas vivindo á marxe da legalidade.E mentindo.

Mentiron na guerra de Iraq e as armas de destrución masiva, mentiron no Prestige, mentiron no 11-M, mentiron no seu programa eleitoral, e minten cando dín que todos os seus tesoureiros  actuaban de costas aos xefes: Fraga, Aznar, Rajoy.

Preséntanse como vítimas, duns cacos que pasaban por alí, e dunha "crise" que eles non montaron pero que, miragres veredes, están a piques de solucionar.

Como vítimas non tiveron mais remedio que recortar dereitos, liberdades e levar a ruína, á emigración, o paro, e a exclusión social, a gran parte da población.

Teñen tanta costume de mentir que xa non distinguen a realidade da ficción:
"ESPAÑA és el ejemplo del mundo". O dí o Presidente.

Todo un escándalo democrático que sexa Presidente deste Estado o Presidente dese partido, e goberne. E hoxe diga que vai crear tres millóns de empregos. 
E sente cátedra no Parlamento, sobre ética, sobre moralidade, sobre economía. 

E teña a desvergonza de repartir aprobados e suspensos no Parlamento.

Entendo que os seus aplaudan coas orellas como sempre fixeron.

Entendo que os tempos xudiciais son lentos e as veces indescifrables.

Entendo que os medios de incomunicación retorzan a verdade o seu favor, porque maior será a devolución do favor.

Non entendo como non existe unha maioría cidadán que rexeite esas prácticas, e como os outros partidos consinten en participar deste esperpento cun partido que tiña que estar ilegalizado, ou cando menos posto nunha cuarentena democrática de cen anos.

Aillalos, porque non teñen  lexitimidade. 

Nin para dirixir Spain, nin para xuntarse nunha sede pagada en B.