O GALEGO ,GALICIA (BILINGÜE)BÍFIDA,e "GRAN HERMANO".

Anda,estes días,a rede alporizada por un vídeo no que sae unha concursante galega de GH,falando sobre o idioma galego.Deixando a un lado,a incapacidade cultural dos participantes no "bodrio",as"opinións" da concursante,poñen de manifesto a iñorancia supina e a falta de autoestima que son imprescindibles para sentir o país no que naces e vives.“lo primero que te produce oír una persona joven hablar gallego es negativo”. “No es muy habitual que la gente joven hable gallego, bueno, en Lugo sí, pero es un gallego bruto y feo (...), el gallego que está todavía más metido en gente ignorante”,durante unha conversa cunha compañeira, chegou a asegurar que todos os seus libros de texto na escola “eran en gallego” (sic) pero que ela facía “trampa” e comprábaos en castelán. Ademais, asegurou que “muy poquita gente habla gallego; lo hablan los nacionalistas, más los exaltados, los que lo hablan por cojones."
Opinións como estas,son as que a dereita mais reaccionaria como Galicia Bífida,apoiados polo PP,instalan na xente, ata sentir vergoña do seu idioma.Non axudan moito os medios de comunicación,que maioritariamente están en español,nin o cine,nin as radios,nin os grupos musicais,nin a publicidade,etc..A realidade demostra, a falsedade dos que falan da suposta opresión a que está sometido o español, cando é o galego o que a sofre diariamente.
Un xornal de Vigo,trae hoxe a seguinte nova:"Un juéz obliga al Concello de Vigo a usar el castellano con la empresa concesionaria ELOYMAR-TRANVÍAS.Pero desestima las alegaciones de la empresa en cuanto a que el desconocimiento del gallego provocara la ineficacia de la notificación administrativa".Deixando tamén de lado,as argucias legais,para o sr. xuíz, o galego debe ser tan incomprensible como o chinés,e non digamos para a citada empresa.A Constitución Española no artigo 3 nos pontos 2 e 3,deixa moi claro a oficialidade das línguas e a protección e respeto que merecen.

Como remate e por si alguén ten dúbidas ao respecto:
O XORNAL DE GALICIA(15-02-11)A máis galego nas aulas, maior comprensión lectora en castelán.
A maior presenza da lingua galega nos colexios entre 2006 e 2009 non prexudicou os resultados en ciencias e matemáticas.Nin estudar en galego dificulta a aprendizaxe en ciencias, nin impide mellorar o nivel de castelán, nin existiu nunca “o dous ao caldeiro” en matemáticas... O que xa resultaba evidente de por si quedou de novo ratificado tras o último informe Pisa que analizaba o nivel educativo do alumnado en Galicia e España. Agora, a Coordinadora Galega de Equipos de Normalización e Dinamización Lingüística (Cgendl) realiza unha análise deste documento na que non só se desmontan moitas das teorías defendidas por Galicia Bilingüe e parte do PPdeG, senón que demostra que os alumnos galegos melloraron o seu rendemento alí onde en teoría o ían baixar.A Cgendl céntrase en analizar os resultados de entre 2006 e 2009, xusto durante o goberno do bipartito e cando o galego aumentou a súa presenza nas aulas. Segundo os datos, a educación en Galicia nesa etapa sitúase a un nivel similar á da OCDE ou incluso por riba en competencia científica, mentres que se sitúa por riba da media de España nas tres competencias estudadas.A evolución dos resultados acadados polos rapaces durante o goberno bipartito non varía moito, pero a comprensión lectora auménta en sete puntos, en matemáticas o descenso é de cinco e en ciencias o incremento é dun punto.
“A introdución da lingua galega como lingua vehicular no ensino en diferentes materias impulsada polo Decreto 124/2007 non empeorou a adquisición de competencia lectora nin científica do alumnado”, destacan os equipos de normalización –denominados só de dinamización desde a chegada do PP ao poder–, que sinalan que os resultados son mellores xusto nas materias onde a lingua propia é habitual “desde hai anos” (Coñecemento do Medio ou Bioloxía e Xeoloxía).
“O aumento da presenza do galego como lingua vehicular do ensino axudou a mellorar a comprensión lectora en español e non repercutiu negativamente sobre os resultados en matemáticas, materia que daquela era impartida en galego”, insiste a Cgendl, que destaca tamén o maior dominio do castelán que se dá na maioría de autonomías bilingües do Estado.
“Os resultados do Informe Pisa, o estudo de referencia mundial para medir a calidade dos sistemas educativos,demostran que o fomento do galego non vai en detrimento da competencia en español nin do desenvolvemento científico do alumnado”, aclara a Cgendl, en contraposición coas teorías defendidas por Galicia Bilingüe e que foron apoiadas por boa parte do PPdeG e da actual Xunta de Galicia.
O polémico decreto do plurilingüismo aplicado polo Goberno galego na educación veta de maneira explícita o galego para materias de ciencias como Matemáticas ou Tecnoloxía, que deben ser impartidas en castelán. De feito, uns 3.000 profesores asinaron un manifesto asegurando que seguirían impartindo as súas materias na lingua propia, independentemente do que lles marcase a norma. Ademais, a Asociación dos Ensinantes de Ciencias de Galicia (Enciga) e Agapema (Asociación de Ensinantes de Matemáticas), tamén expresaron o seu rexeitamento á medida."